GAWING MAKABULUHAN A-19 NG MAYO 2019: PROGRAMA: TRABAHO

GAWING MAKABULUHAN ANG A-13 MAYO 2019

PROGRAMA: TRABAHO 

Mahal kong mga Kababayang Manggagawa:

Mabuhay kayo!                                                                     

Matagal na akong  nagsusuri at nagsusulat tungkol sa larangang paggawa. May sinulat ako at ginawang pelikula tungkol sa mga nagtatrabaho sa niyugan. Ang titulo ay: COCONUT, OUR CROP IN THE PHILIPPINES, THEIR FOOD OVERSEAS.  Tinalakay nito ang buhay ng mga manggagawa sa nyugan mula sa bukid, hanggang sa desiccated coconut factories – Red V, Peter Paul, at Franklin Baker .

Mayroon din akong sinulat tungkol sa mga OFW sa Europa dahil noong 1981 ay napalad akong naimbitang magpalabas ng pelikula sa Olanda. Mula roon ay naglibot ako sa Europa – sa Londres, Paris, Roma, at Brussels kung saan nakita ko ang malulungkot na sitwasyon ng ating mga kababayan na nagtatrabaho sa mga larangang mababa kaysa sa mga nationals doon.  Nakagawa ako ng dalawang pelikula dahil sa aking mga karanasan: una, For the Next Guest – tungkol sa isang Filipina chambermaid; Through the Four Seasons, buhay ng isang Filipina nursing aide sa London. At naisulat ko rin ang trabaho nila sa aking aklat: Filipino Women in the World of Work.  

Noong 1990’s nanaliksik naman ako ng buhay ng mga manggagawa at lumabas ito bilang Unearthing Philippine Realities of Workers. Nakasulat din ako tungkol sa buhay ng mga Sakada sa Negros Occidental noon 1990’s at inilabas ito ng Depthnews Asia – kinalat sa mga diyaryo sa buong Asya.

Ang paglahok ko sa pulitika ay dulot ng aking pananaliksik at pagsusulat sa diyaryo. Ngayon gusto ko nang direktang buhayin ang aking mga inaasam para sa ating mga kababayan dito sa Quezon City. Marami akong plano para sa mga manggagawa dito sa syudad.

1. . Mababang halaga ng pagkain;  Food banks para sa mga kapos sa pagkain;                                                                                                            

2. Pagtatayo ng job units sa bawa’t barangay: ise-survey ang kakayahan ng bawa’t kababayan sa bawa’t barangay; maghahanap ng trabaho para sa bawa’t manggagawa; 

3. Unemployment benefits para sa mga nawalan ng trabaho sa loob ng 6 buwan;                                                                                                         

4. Palalakasin ang daycare services sa bawa’t barangay para ang mga magulang ay may mapaglalagakan ng matino at  tapat na naninilbihang social workers;   

Magiging bukas ang tanggapan ng City Mayor sa kahit na anong sitwasyon ng ating mga manggagawa dito sa Lungsod. Isang araw kada amgtatakda ako ng isang araw bawat linggo para magkaroon ng talakayan tungkol sa buhay ng mga manggagawa, kasama ang mga asosasyon, unyon at NGO na tumutulong sa mga manggagawa. Sana ay magkatulungan tayo at sisiguraduhin ko ang tunay na pagbabago ng buhay ng mga manggagawa sa ating Lungsod Quezon. - OROzco EMMA  WALANG IWANAN, PAGBABAGO AY SIGURADO