WHY ARE THEY GOING OUT?

Talagang mahirap patigilin sa bahay ang mga lalaking sanay na labas ng labas at ayaw ng mga gawaing bahay.

Narito ang mga gawaing-bahay para sa mga lalaki:

1. i-chek ang mga kuryente kung lahat ba ay ok at malayo sa pagkasira'

2. turuan ang mga bata ng kanilang assignments, o kaya gumawa ng pa-contest sa pagsagot ng mga puzzles;

3. mag-internet sa loob ng bahay pero 2 oras lang dahil nakakasira ng mata;

4. mag-overseas call at tawagan ang mga kamag-anak sa abroad; kumustahin sila at bigyan ng kalakasan;

5. magtanim sa paligid; kung walang lupa, mangolekta ng mga lata at punuin ito ng lupa at taniman ng mga buto ng prutas o kaya mamitas ng mga halaman na tutubo kapag itinusok lamang sa lupa;

6.  Inspeksyonin ang mga damit at baka may mga dapat sulsihin;

7. kausapin ng masinsinan ang mga miyembro ng pamilya kung anong gagawin kung saka-sakaling may magkasakit;

8. alamin ang mga first aid sa mga panahon ng sakuna; ng lindol; ng covid-19;

9. alamin kung saan ang pinakamalapit ng ospital;

10. tawagan ang pari o madre at kausapin kung anong mga dasal ang bagay sa mga panahong ito; kuwentuhan sila ng nangyayari sa inyo;

11. bumili ng maliit na kuwaderno at magsulat ng talambuhay, mula pagkabata at hanggang sa ngayon;

12. magsulat ng tula o dula;

13. mangolekta ng mga recipes na lutuin;

14. bumili ng sketchpad o kaya bond paper at mag-drowing o magpinta;

15. ayusin ang banyo o toilet at baka may sira ang mga tubo;

16. inspeksyunin ang gas stove at baka sumisingaw. Mahirap madale ng sunog. Puwera gaba;

17. sa internet magbasa ng kasaysayan ng Pilipinas at ng ibang bansang paborito niyo, o kaya kung nasaan ang mga kamag-anak ninyo;

18. basahin sa internet ang talmbuhay ng ating mga bayani at mga bayani sa ibang bansa;

Maging mapanlikha sa harap ng nakaka tamad na mga panahong ito.