SKYWAY TO STRESS

Seguridad

1. Nerbyos ng mga tao: dahil sa dagundong, mabibilis na pagtakbo ng mga sasakyan sa skyway, at dahil sa trafik naman sa Araneta Avenue, magugulumihanan na ang mga taong maglakad, tumawid o magmaneho.

Magkakaroon ng nerbyos ang mga tao sapagka't matatakot silang maaksidente.

Mahihirapan silang maka-concentrate sa mga trabaho at negosyo;

Ang mga mag-aaral ay hindi na makakapag-focus sa pag-aaral. Papunta sa eskuwela at pauwi, dahil sa tindi ng pakikipagpatintero sa pagtawid ng kalye, makakalimutan na nila ang kanilang mga napag-aralan, o dili kaya ay hindi na nila nanaisin pang mag-aral.

Nakawan. Dahil magiging madilim ang Araneta Avenue, magkakaroon ng maraming nakawan dito dahil mahihirapang mangalaga ng seguridad ang kapulisan.

3. Kawalan ng Katahimikan. Ang mga tahanan ay hindi na matatahimik. Darami ang mga akyat-bahay dahil madaling magtago sa kadiliman ng Araneta Avenue.

Ang mga negosyante ay mahihirapang i-secure ang kanilang mga ari-arian.

Mga Epektong Panlipunan:

Ang sangkatauhan ay binuhay upang huminga ng oxygen, hindi ng polyusion. Kailangan natin ng sikat ng araw malinis na hangin at maluwang na espasyo para makakilos.

Subali't dahil sa Proyektong Skyway, ang uri ng mga taong mabubuhay dito ay mga matatakutin, walang ganang mabuhay. Sa bawa't pagkilos ng mga naninirahan dito, matatakot na silang lumabas ng tahanan. Dili kaya, karamihan mas nanaisin pang humanap ng ibang matitirahan o kaya ay umalis ng bansa.

Ang mga tao ay matututong kumilos ng mabilis, dahil tensyonado.Sa bawa't pagkilos ng mga naninirahan dito, matatakot na silang lumabas ng tahanan. Mas nanaisin nilang makaalis kaagad sa lugar na ito.

Magkakanya-kanya ang mga tao at wala ng pakialaman sa buhay ng iba dahil ang hahanapin ng bawa't isa ay katahimikan at mabuhay. Ang pagsisilbi sa iba ay mawawalang mithiin na tinuturo sa isang makatao at makaDiyos na lipunan.

Mga Magulang at Nagtatrabaho

Maraming mga magulang, karamihan ay mga babae, mga ina na hinahatid ang mga bata sa eskuwelahan, lalo na dito sa Betty Go-Belmonte Elementary School. Dahil sa Skyway, sila ay mahihintakutan, matatakot na tumawid ng Araneta Avenue dahil dumadagundong ang inga ng mga sasakyan sa ibabaw, at pabilisan naman ang mga sasakyan dito sa baba. Samakatuwid, sila, sa halip na nakatuon sa paghahatid ng bata para makapag-aral ng mabuti , ay iisipin na rin ang kanilang seguridad.

Ang mga manggagawa at propesyonal ay uuwi na hirap na hirap --- sa trabaho at sa pag-uwi dahil sa napakatensyonadong daraanan nila.

Mga Mag-aaral

Anu-anong mga eskuwelahan ang mga naririto?

UE Ramon Magsaysay Memorial Hospital

Central Colleges of the Philippines

Immaculate Heart of Mary College

Betty go-Belmonte Elementary School

Carlos Albert High School

at marami pang eskuwelahang pribado na pang-kinder.

Ang mga mag-aaral ay mahihirapang ituon ang kanilang isipan sa pag-aaral dahil sa nerbyos na mararanasan nila sa pagdaan dito sa Araneta Avenue Skyway. Papunta at pabalik mula sa eskuwelahan hindi sila kaagad matatahimik dahil sa takot na masagasaan o mabagsakan ng mga sasakyan, o makakita ng aksidente.

UNITED NATIONS WORLD COMMISSION ON ENVIRONMENT AND DEVELOPMENT (UNWCED) Bruntland Report 1987

Ayon sa UN, ang tinatawag na kaunlaran ay sinasagot ang mga pangangailangan hindi lamang ng henerasyong ito kundi pati ng mga salinlahi na darating. Dapat din ang mga batayang pangangailangan ng mga tao, lalo na ng mga naghihirap ang tuunan ng pansin at dapat ding limitahan ang mga teknolohiya na makasisira ng kapaligiran.

Subali't ang Proyektong Skyway ay taliwas sa sinasaad ng UN report na ito.

Iinit ang Kapaligiran

Dahil sa pagtatayo nito maraming mga pinutol na puno. Mainit na ang kapaligiran, lalo pa ito sisidhi.

Ang mga puno ay mahalaga para sa mabuting paghinga, pagbibigay ng lilim sa tao at mga ibon, at pagdulot ng positibong pakiramdam, kasi malapit tayo sa kalikasan.

Batay sa proyekto, 55,000 na mga sasakyan ang daraan dito. Na iiwas sa trafik sa EDSA. Samakatuwid, 55,000 ang daraan dito sa Araneta Avenue, na magdadala ng dagundong ng mga sasakyan. At kapag may nasiraan, ay magdudulot ng pagkatakot at nerbyos sa mga nakatira sa paligid.

Aalis na ang mga ibon sa paligid at hahanap ng masisilungang mga puno.

AYON SA LOCAL GOVERNMENT CODE Republic Act 7160:

Polisia ng Estado kinakailangang magdaos ng konsultasyon ang lahat ng mga ahensiya ng gubyerno sa mga lokal na gubyerno, sa mga barangay, sa mga organisasyong non-government, at mga organisayon ng sambayanan (NGO's at people's organisations).

Hindi nagdaos ng konsultasyon ang DPWH tungkol sa pagpapatupad ng Proyektong Skyway, kung kaya't dapat na pilitin itong sundin ang sinasaad ng RA 7160.

ANO ANG GAGAWIN NATIN?

1. Pag-usapan ang Proyektong Skyway;

Ibandila sa iba ang mga negatibong epekto nito sa lahat;
Sumulat sa mga editor ng dyaryo, tumawag sa estasyon ng mga radyo, o kaya ay lumapit sa mga news reporters at ilabas ang mga saloobin niyo tungkol dito;
Sumulat sa Pangulo ng Pilipinas na ipatigil ang proyektong ito; at
Sumulat ng petisyon sa Supreme Court na ipatigil ang proyektong ito.

Sumulat ng Pulyetong ito:

Wilhelmina S. Orozco

Kasapi ng Kamalapina

Media Collective

miravera2010@gmail.com

09128516359